अमेरिकी सेनाले नेपाली सेनालाई जल उत्पन्न प्रकोपका समयमा उद्धारका लागि उपयोगी हुने चारवटा रेस्क्यु बोट (उद्धार डुंगा) उपहार दिएको छ । अमेरिकी राजदूतावासअन्तर्गत अफिस अफ डिफेन्स कोपरेसन (ओडिसी)का तर्फबाट डुंगा उपलब्ध भएको सैनिक जनसम्पर्क तथा सूचना निर्देशनालयले जनाएको छ ।
ओडिसीका प्रमुख मेजर माइकल पी ह्वाइटले आउट बोर्ड मोटरसहितको डुंगा छाउनीस्थित जंगी असवाव खानामा बिहीबार सेनाको विपत् व्यवस्थापन निर्देशनालयका निर्देशक सहायकरथी रामनाथ शर्मा (ढुंगाना)लाई हस्तान्तरण गरेका छन् । उद्धार डुंगाहरू बाढी डुबानजस्ता जलउत्पन्न विपतका समयमा उद्धार तथा राहत कार्यमा बहुउपयोगी हुने विश्वास नेपाली सेनाले लिएको छ ।
See More On
