प्रमुख प्रतिपक्षी दल नेपाली कांग्रेसले संवैधानिक परिषद्बारे ल्याइएको अध्यादेश खारेज नभएसम्म परिषद्को बैठकमा नजाने जनाएको छ ।
अर्थात् आज साँझ ५ बजेका लागि डाकिएको बैठकमा कांग्रेसका सभापति शेरबहादुर देउवा सहभागी नहुने कांग्रेस नेता रमेश लेखकले जानकारी दिए ।
उनले बैठकमा सहभागी हुन सूचना आएको, तर ५ बजेअघिसम्म अध्यादेश खारेज भएमा बैठकमा जाने र खारेज नभएमा नजाने बताए ।
उनले भने, ‘सरकारले अध्यादेश फिर्ता लिएमा हाम्रो सहभागिता परिषद्को बैठकमा नहुने कुरै छैन, तर फिर्ता नलिएमा भने हामी सहभागी हुँदैनौँ ।’
परिषद्काे बैठकमा प्रमुख प्रतिपक्षी दलका नेता सदस्य रहने प्रावधान छ ।
