नेपालमा मंगलबार सुनको मूल्य प्रतितोला तीन हजार चार सय रुपैयाँले घटेको छ ।
अन्तर्राष्ट्रिय बजारमा सुनको मूल्य ओरालो लाग्दा त्यसको प्रभाव नेपाली बजारमा समेत परेको हो ।
सोमबार प्रतितोला ९८ हजार दुई सयमा कारोबार भएको छापावाल सुन मंगलबार ९४ हजार आठ सयमा कारोबार भएको छ । नेपाल सुनचाँदी व्यवसायी महासंघका अनुसार तेजाबी सुनको मूल्य पनि प्रतितोला तीन हजार चार सयले घटेको छ । सोमबार प्रतितोला रु. ९७ हजार सात सयमा कारोबार भएको तेजाबी सुन आज प्रतितोला ९४ हजार तीन सयमा कारोबार भएको छ ।
यस्तै, राससका अनुसार चाँदीको मूल्य प्रतितोला ७० रुपैयाँले घटेर एक हजार दुई सय १५ मा कारोबार भएको छ । सोमबार चाँदीको मूल्य प्रतितोला एक हजार दुई सय ८५ मा कारोबार भएको थियो ।
See More On
