पछिल्लो २४ घन्टामा देशभर थप २५ सय आठजनामा कोरोना संक्रमण पुष्टि भएको छ ।
यो अवधिमा देशभरका विभिन्न प्रयोगशालामा नौ हजार दुई सय ७९ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
थप भएका संक्रमितमध्ये काठमाडौं उपत्यकाका १३ सय ५७ जना रहेका छन् ।
योसमेत देशभर हालसम्म संक्रमित हुनेको संख्या एक लाख ७० हजार सात सय ४३ पुगेको छ ।
त्यसैगरी आज २२ सय ६४ जना संक्रमणमुक्त भएर डिस्चार्ज भएका छन् ।
हालसम्म एक लाख ३१ हजार दुई सय २२ संक्रमणमुक्त भइसकेका छन् ।
संक्रमण निको हुने दर ७६.९ प्रतिशत रहेको मन्त्रालयले जनाएको छ ।
हाल सक्रिय संक्रमितको संख्या ३८ हजार पाँच सय ८४ छ ।
संक्रमितमध्ये दुई सय ९६ जनाको आइसियू र ६९ जनाको भेन्टिलेटरमा उपचार भइरहेको मन्त्रालयले जनाएको छ ।
See More On
