कोरोना संक्रमित दुईजनाको धरानमा निधन भएको छ ।
कोरोना संक्रमित ६३ वर्षीय पुरुषको बिपी कोइराला स्वास्थ्य विज्ञान प्रतिष्ठानको कोभिड उपचार अस्पतालमा निधन भएको हो ।
निधन भएका ती पुरुष शनिश्चरे मोरङका बासिन्दा भएको अस्पतालका सहप्रवक्ता डा. आशिष श्रेष्ठले जानकारी दिए ।
मृतक पहिलादेखि नै मधुमेहबाट पीडित रहेको उनले जानकारी दिए ।
१ कात्तिकमा उनमा कोरोना पोजेटिभ देखिएकोमा आइतबार राति १० बजे उनको निधन भएको हो ।
त्यसैगरी सोही अस्पतालमा उपचाररत अर्की ८३ वर्षीया कोरोना संक्रमित वृद्धाको पनि निधन भएको छ ।
धरानकी ती महिला उच्च रक्तचापबाट पीडित रहेको र उनमा आइतबार कोरोना पजिटिभ देखिएको थियो ।
ती वृद्धाको आइतबार राति ३ बजे निधन भएको सहप्रवक्ता डा. श्रेष्ठले जानकारी दिए ।
मृतक दुवैजनाको शव नियमअनुसार व्यवस्थापन हुने उनले बताए ।
