देशमा पछिल्लो २४ घन्टामा ३६ सय ३७ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले यो अवधिमा १५ हजार दुई सय ५५ जनाको नमुना परीक्षण गरेको जनाएको छ ।
याेसमेत हालसम्म देशभर संक्रमित हुनेकाे संख्या एक लाख ४८ हजार पाँच सय नाै पुगेकाे छ ।
आज ३२ सयजना संक्रमित निको भई डिस्चार्ज भएका छन् ।
अहिलेसम्म कुल ३२ सय १५ जना डिस्चार्ज भएको मन्त्रालयले जनाएको छ ।
हालसम्म डिस्चार्ज हुनेको संख्या एक लाख दुई हजार आठ सय २० पुगेको छ ।
अहिले निको हुने दर ६९.२ प्रतिशत रहेको छ ।
हाल देशभर ४४ हजार आठ सय ७७ जना सक्रिय संक्रमित रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
हाल १३ हजार तीन सय ३९ जना संस्थागत आइसोलेसनमा र ३१ हजार पाँच सय ३८ होम आइसोलेसनमा रहेको उनले बताए ।
संक्रमितमध्ये दुई सय ९० जनाको आइसियू र ७७ जनाको भेन्टिलेरमा उपचार भइरहेको छ ।
