पछिल्लो २४ घन्टामा देशभर थप चार हजार ४७ जनामा संक्रमण पुष्टि भएको छ ।
यो अवधिमा १४ हजार पाँच सय ३० जनाको पिसिआर विधिबाट नमुना परीक्षण गरिएको स्वास्थ्य तथा जनसंख्या मन्त्रालयले जनाएको छ ।
योसँगै देशभर हालसम्म संक्रमित हुनेको संख्या एक लाख ११ हजार आठ सय दुई पुगेको छ ।
आज १४ सय ७३ जना संक्रमित निको भएर डिस्चार्ज भएका छन् । हालसम्म ७७ हजार दुई सय ७७ जना संक्रमित निको भइसकेको मन्त्रालयले जनाएको छ ।
मन्त्रालयका प्रवक्ता डा. जागेश्वर गौतमले संक्रमित निको हुने दर ६९.१ प्रतिशत रहेको बताए । निको हुने दर केही दिनयता घटेको हो ।
हाल सक्रिय संक्रमितको संख्या ३३ हजार आठ सय ८८ पुगेको मन्त्रालयले जनाएको छ ।
मन्त्रालयका अनुसार संस्थागत आइसोलेसनमा १३ हजार नौ सय २३ जना र होम आइसोलेसनमा १९ हजार नौ सय ५७ जना रहेको मन्त्रालयले जनाएको छ ।
त्यसैगरी संक्रमितमध्ये दुई सय ७९ जनाको आइसियूमा र ६७ जनाको भेन्टिलेटरमा उपचार भइरहेको गौतमले जानकारी दिए ।
