पछिल्लो २४ घन्टामा देशभर गरिएको परीक्षणमा १३ सय २५ जना नयाँ कोरोना संक्रमित थपिएका छन् ।
यो अवधिमा नौ हजार पाँच सय ८४ जनाको नमुना पिसिआर विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ ।
आइतबार थप भएकोसमेत देशभर हालसम्म संक्रमित हुनेको संख्या ६४ हजार एक सय २२ पुगेको छ ।
त्यसैगरी विगत २४ घन्टामा नौ सय ६६ जना संक्रमित निको भएर डिस्चार्ज भएका छन् ।
हालसम्म डिस्चार्ज हुनेको संख्या ४६ हजार दुई सय ३३ रहेको मन्त्रालयले जनाएको छ ।
मन्त्रालयका प्रवक्ता डा. जागेश्वर गौतमले संक्रमण निको हुने दर ७२ प्रतिशत रहेको बताए ।
हाल सक्रिय संक्रमित भने १७ हजार चार सय ७८ जना छन् । त्यसमध्ये संस्थागत आइसोलेसनमा नौ हजार ७१ जना र होम आइसोलेसनमा आठ हजार सातजना बसेका छन् ।
संक्रमितमध्ये एक सय ९० जनाको आइसियू र ३६ जनाको भेन्टिलेटरमा उपचार भइरहेको मन्त्रालयले जनाएको छ ।
हाल क्वारेन्टिनमा सात हजार चार सय ५१ जना छन् ।
