भैरहवाको भीम अस्पतालमा उपचाररत एक महिलाको कोरोनाका कारण मृत्यु भएको छ । नवलपरासी रामग्राम नगरपालिकानिवासी ६५ वर्षीया महिलाको मंगलबार राति मृत्यु भएको अस्पतालका सूचना अधिकारी डा. नारायण पोख्रेलले जानकारी दिए ।
संक्रमित महिला १५ भदौदेखि अस्पतालमा उपचाररत थिइन् । सुगर, प्रेसरसँगै श्वासप्रश्वासमा समस्या भएकाले उनलाई आइसियूमा राखेर उपचार गरिएको अस्पतालले जनाएकाे छ ।
यसअघि गैडहवा गाउँपालिकाका ५० वर्षीय कोरोना संक्रमित पुरुषको मृत्यु भएको थियो । उनकाे होम आइसोलेसनबाट उपचारका लागि भीम अस्पतालमा ल्याउँदै गर्दा बाटाेमै मृत्यु भएको थियो ।
अस्पतालका अनुसार आइसियूमा चार र सामान्य वार्डमा १७ जना गरी अहिले २१ जना संक्रमित उपचाररत छन् ।
