नेप्सेमा एक करोड १० लाखभन्दा बढी कित्ता बोनस सेयर सूचीकृत

नेपाल स्टक एक्सचेन्ज (नेप्से)मा सोमबार एक करोड १० लाख ६० हजार ८१२.९८ कित्ता सेयर सूचीकृत भएको छ। नेप्सेका अनुसार सुपर माई हाइड्रोपावर, नेको इन्स्योरेन्स र एनएमबि बैंकको बोनस सेयरबापतको सेयर सूचीकृत भएको हो। 

सुपर माईको २० प्रतिशत अर्थात् १० लाख ७० हजार कित्ता, नेकोको तीन प्रतिशत अर्थात् आठ लाख सात हजार ४६० कित्ता र एनएमबिको पाँच प्रतिशत अर्थात् ९१ लाख ८३ हजार ३५२.९८ कित्ता बोनस सेयर सूचीकृत भएको हो।