१६औँ सुदूरपश्चिम प्रदेशस्तरीय राष्ट्रपति रनिङ सिल्ड प्रतियोगिताको उपाधि कैलालीले जितेको छ। सुदूरपश्चिम खेलकुद परिषद्को आयोजनामा डडेल्धुरामा सम्पन्न प्रदेशस्तरीय राष्ट्रपति रनिङ सिल्डमा कैलालीले ३२ स्वर्ण, १७ रजत र ९ कांस्य गरेर ५८ पदक जितेको छ।
१७ स्वर्ण, १३ रजत र १३ कांस्यसहित ४३ पदक पाएर कञ्चनपुर दोस्रो हुँदा तेस्रो स्थानको डडेल्धुराले ६ स्वर्ण, ७ कांस्य र १७ रजत गरी ३० पदक पाएको छ।
६ स्वर्ण, ७ कांस्य र १३ रजतसहित २६ पदक पाएर बैतडी चौथो स्थानमा रहँदा ३ स्वर्ण, २ कांस्य र ७ रजत गरी १२ पदक जितेको दार्चुला पाँचौँ स्थानमा छ। छैटौँ स्थानको बझाङले २ स्वर्ण, १ रजत र ६ कांस्यसहित ९ पदक हात पारेको छ।
बाजुरा, डोटी र अछाम स्वर्ण पदकविहीन रहे। बाजुराले ११ रजत र १५ कांस्य गरी २६ डोटीले ४ कांस्य र १२ रजतसहित १६ र अछामले ४ कांस्य र ८ रजत गरी १२ पदक ल्याएका छन्।
हरेक जिल्लाबाट प्रादेशिक प्रतियोगितामा भलिबलतर्फ छात्रछात्र ९-९, कबड्डीमा छात्रछात्रा ९-९, एथलेटिक्स छात्रछात्रा ११-११ तथा तेक्वान्दो, कराँते र उसुमा छात्रछात्रा ६-६ गरी हरेक पालिकाबाट ९४ जनाका दरले ८४६ खेलाडी सहभागी थिए।
