प्रतिनिधिसभा निर्वाचनमा प्रतिमतदाता २६३ रुपैयाँ खर्च

गत फागुन २१ गते सम्पन्न प्रतिनिधिसभा निर्वाचनमा प्रतिमतदाता सरदर २६३ रुपैयाँ खर्च भएको छ। निर्वाचन आयोगले मंगलबार निर्वाचन खर्च विवरण सार्वजनिक गरेको हो।

आयोगका अनुसार सरकारबाट ६ अर्ब ७१ करोड ९२ लाख ८७ हजार २ सय रुपैयाँ प्राप्त भएकोमा ४ अर्ब ९६ करोड ७८ लाख ३९ हजार ४५ रुपैयाँ खर्च भएको छ। कुल मतदाता संख्या एक करोड ८९ लाख ३ हजार ६८९ लाई आधार मान्दा प्रतिमतदाता सरदर २६३ रुपैयाँ खर्च देखिएको आयोगले प्रस्ट पारेको छ।