प्रधानन्यायाधीश शर्मामाथिको संसदीय सुनुवाइ एक दिन पछि सारौँ : वर्षमान पुन

नेपाली कम्युनिस्ट पार्टीका नेता वर्षमान पुनले प्रधानन्यायाधीश डा. मनोजकुमार शर्मामाथिको संसदीय सुनुवाइ एक दिन पछि सार्न प्रस्ताव गरेका छन् । मंगलबार बसेको संसदीय सुनुवाइ समितिको बैठकमा उनले यस्तो प्रस्ताव गरेका हुन् । 

शर्माउपर परेका उजुरी र उनका कार्ययोजना अध्ययन गर्न समय माग गर्दै  पुनले सुनुवाइ एक दिन पछि सार्न प्रस्ताव गरेका हुन् ।  शर्माविरुद्ध परेका परेका १६ वटा उजुरी र उनका कार्ययोजना सदस्यहरूलाई वितरण गरिएको छ ।