सरकारले स्टार्टअप, लघु, साना तथा मझौला उद्यमलाई सघाउन ‘राष्ट्रिय उद्यम प्रवर्द्धन सुविधा’ कार्यक्रम सञ्चालन गर्ने भएको छ । राष्ट्रपति रामचन्द्र पौडेलले प्रस्तुत गरेको सरकारको नीति तथा कार्यक्रममा स्टार्टअपदेखि मझौला उद्यमलाई सघाउन यस्तो व्यवस्था गरिएको भएको उल्लेख छ ।
‘स्टार्टअप, लघु, साना तथा मझौला उद्यमलाई वित्त, प्रविधि, बजार र क्षमता विकासमा एकीकृत पहुँच उपलब्ध राउन राष्ट्रिय उद्यम प्रवर्द्धन सुविधा स्थापना गरिने छ,’ नीति तथा कार्यक्रममा उल्लेख छ । त्यस्तै, औद्योगिक नीति २०७६ नीति परिमार्जन गरी नयाँ औद्योगिक नीति तर्जुमा गरिने घोषणा गरिएको छ ।
