सल्यानका १४ उम्मेदवारमध्ये चार उम्मेदवारले मात्र आफ्नो जमानत बचाउन सफल भएका छन् । बाँकी १० उम्मेदवारको जमानत जफत भएको छ ।
जिल्ला निर्वाचन कार्यालय सल्यानका अनुसार नेपाली कम्युनिस्ट पार्टी, राष्ट्रिय स्वतन्त्र पार्टी, नेपाली कांग्रेस र नेकपा एमालेका उम्मेदवारले मात्र आफ्नो जमानत बचाउन सफल भएका छन् । नेकपाका रमेशकुमार मल्ले २९.०९ प्रतिशत, रास्वपाका ललितकुमार चन्दले २६.२२ प्रतिशत, नेपाली कांग्रेसका केशबहादुर विष्टले २२.०२ र एमालेका गुलाबजंग शाहले १९.२८ प्रतिशत मत प्राप्त गरेका छन् ।
नेकपा माओवादी, राप्रपा, नेसनल रिपब्लिक नेपाल, श्रम संस्कृत पार्टी, राष्ट्रिय जनमोर्चा, संयुक्त नागरिक पार्टी, नेपाल मजदुर किसान पार्टी, मंगोल नेसनल अर्गनाइजेसन र दुई स्वतन्त्र उम्मेदवारको जमानत जफत भएको जिल्ला निर्वाचन कार्यालय सल्यानले जनाएको छ ।
एक लाख ६२ हजार ४४९ मतदाता रहेको सल्यानमा ८१ हजार १६७ मत खसेको थियो । त्यसमध्ये ७९ हजार ७०९ सरदर तथा तीन हजार ४५८ मत बदर भएको थियो ।
निर्वाचनमा जम्मा सदर मतको १० प्रतिशतभन्दा कम मत पाउने उम्मेदवारको धरौती जफत हुने प्रावधानअनुसार सल्यानका १४ उम्मेदवारमध्ये १० जनाको जमानत जफत भएको छ ।
