प्रतिनिधिसभा सदस्य निर्वाचनको क्रममा भइरहेको मतदानबारे जानकारी दिन निर्वाचन आयोगले आज साँझ पत्रकार सम्मेलन आयोजना गर्ने भएको छ।
आयोगका अनुसार पत्रकार सम्मेलन आज साँझ ६ बजेर १५ मिनेटमा आयोगको मिडिया सेन्टरको हलमा आयोजना हुनेछ। उक्त पत्रकार सम्मेलनमार्फत बिहान ७ बजेदेखि अपराह्न ५ बजेसम्म सञ्चालन भएको मतदानसम्बन्धी विवरण सार्वजनिक गरिने जनाइएको छ।
प्रतिनिधिसभा सदस्य निर्वाचनका लागि देशभर बिहान ७ बजेदेखि मतदान सुरु भएको थियो। निर्धारित समयअनुसार अपराह्न ५ बजेसम्म मतदान गर्ने व्यवस्था गरिएको छ।
आयोगले मतदानको समग्र अवस्था, मतदान केन्द्रहरूको स्थिति तथा प्रारम्भिक विवरण सार्वजनिक गर्न पत्रकार सम्मेलन गर्न लागिएको जनाएको छ।
See More On
