नेपालले आइसिसी टी–२० विश्वकपमा इटालीविरुद्ध टस हारेर सुरुमा ब्याटिङ गर्ने भएको छ। बिहीबार मुम्बईस्थित वानखेडे रंगशालामा नेपालका कप्तान रोहितकुमार पौडेलले टस हारेका हुन् । इटालीका कप्तान ह्यारी मानेन्टीले टस जितेर बलिङ गर्ने निर्णय लिएका हुन् ।
प्रशिक्षक स्टुआर्ट लले पहिलो खेल खेलेको टिमबाट शेर मल्ललाई बाहिर राखेका छन् । उनको स्थानमा अर्का स्पिनर ललित राजवंशीले अवसर पाएका छन् । नेपाल पहिलो खेलमा इंग्ल्यान्डसँग मात्र चार रनले पराजित भएको थियो । समूह सीमा नेपाल र इटाली पहिलो जितको खोजीमा छन् । नेपाल र इटाली पहिलोपटक टी–२० विश्वकपमा प्रतिस्पर्धा गर्न लागेका हुन् ।
नेपाली टिमः
कुशल भुर्तेल, आसिफ शेख, रोहित पौडेल, दीपेन्द्रसिंह ऐरी, आरिफ शेख, लोकेश बम, गुल्सन झा, करण केसी, नन्दन यादव, सन्दीप लामिछाने र ललित राजवंशी ।
See More On
