श्रम संस्कृति पार्टीका उपाध्यक्ष विश्वक्रान्ति, देवराज भनिने राजकुमार तामाङ लामालाई पार्टीले निलम्बन गरेको छ । मंगलबार केन्द्रीय अनुसन्धान ब्युरो (सिआइबी)ले उनलाई काठमाडौंको कपनबाट पक्राउ गरेको हो। विस्फाेटक पदार्थसम्बन्धी कसुरमा फरार देखिएपछि पक्राउ गरी जिल्ला प्रहरी कार्यालय, पाँचथरमा पठाइएको सिआइबीका एसएसपी शिवकुमार श्रेष्ठले बताए।
उनी पक्राउ परेगलत्तै श्रम संस्कृति पार्टीका अध्यक्ष हर्क साम्पाङले बुधबार विज्ञप्ति जारी गरेर आजैका मितिबाट अनुसन्धानको अन्तिम टुंगो नलागुन्जेलसम्मका लागि निलम्बन गरिएको जानकारी दिए । साम्पाङले अनुसन्धानको क्रममा कुनै किसिमको प्रभाव र दबाब नपरोस् भनेर निलम्बन गरिएको विज्ञप्तिमा बताएका छन् ।
See More On
