व्यवसायीसँग बैठक राखी व्यावसायिक वातावरण बनाउन गृह मन्त्रालयको ७७ जिल्लामै परिपत्र

जेन–जी आन्दोलनपछि सहज व्यावसायिक वातावरण बनाउनका लागि व्यवसायीहरूसँग बैठक राखेर समन्वय गर्न गृह मन्त्रालयले ७७ जिल्लाकै प्रशासन कार्यालयलाई पत्राचार गरेको छ। 

जेन-जी आन्दोलनका क्रममा व्यावसायिक कार्यालय तथा घरमा समेत आक्रमण भएपछि उनीहरूले असुरक्षित महसुस गरेका छन्। आन्दोलनका नाममा आगजनी र लुटपाट गर्नेलाई कारबाही गर्न उनीहरूले माग गरेका छन्। 

गृह मन्त्रालयमा पनि व्यवसायीले गुनासो गरेपछि मन्त्रालयले व्यवसायीसँग समन्वय गर्न निर्देशन दिएको हो।