विश्वकपमा छनोट भएपछि कप्तान रोहित भन्छन्– यहाँ सपनाको समाप्त भएको छैन, सुरुवात भएको छ

आगामी वर्ष हुने टी–२० विश्वकपमा छनोट भएपछि नेपालका कप्तान रोहितकुमार पौडेलले सपनाको सुरुवात भएको बताएका छन्। छनोटपछि फेसबुकमा लेख्दै उनले भनेका छन्–यहाँ सपनाको अन्त्य भएको हैन, सुरुवात भएको छ । 

विश्वास र समर्थन गर्ने सबै नेपाली यो खुसीको पलको हकदार भएको उनको भनाइ छ । 

एसिया तथा पूर्वी एसिया प्यासिफिकबाट भइरहेको छनोट खेलमा नेपाल र ओमान विश्वकप यात्रा सुनिश्चित गरेका हुन्। बुधबार भएको खेलमा युइएईले सामोआलाई हराएसँगै २ खेलअघि नै नेपाल र ओमान छनोट भएका हुन्। बाँकी एक स्थानका लागि अब युएई, कतार र जापानबिच प्रतिस्पर्धा हुनेछ।