सर्वोच्च अदालतमा मुद्दाका सुनुवाइ अनिश्चितकालका लागि स्थगित

सर्वोच्च अदालतमा मुद्दाका सुनुवाइ अनिश्चितकालका लागि स्थगित भएको छ। सर्वाेच्च अदालतका मुख्य रजिस्ट्रारले सूचना जारी गरेर अदालत पूर्ण रूपमा जलेको र अदालतमा रहेका मुद्दाका मिसिल, सर्भर र इजलाससमेत जलेको हुनाले मुद्दाकाे सुनुवाइ अनिश्चितकालका लागि स्थगित भएको जानकारी दिए ।

उनले अर्काे सूचना जारी नभएसम्म पेसीमा रहेका मुद्दाको सुनुवाइ नहुने बताए । यसबाट सर्वसाधारण सेवाग्राहीमा परेको असुविधाप्रति अदालतले दुःख व्यक्त गरेको छ।