नेकपा (एमाले)का सांसद योगेश भट्टराईले दुईजना सांसदबाहेकले अध्यादेशको विरोध गर्नु नौटंकी हुने बताएका छन्।
शुक्रबार प्रतिनिधिसभा बैठकमा बोल्दै एमाले सचिवसमेत रहेका सांसद भट्टराईले अरू सांसदहरू अध्यादेशका प्रक्रियामा कतै न कतै सामेल वा हस्ताक्षरकर्ता रहेको बताए।
‘अध्यादेशको प्रक्रियाबारे विरोध गर्ने कसैले अधिकार राख्छ भने, प्रेम सुवाल र योगेन्द्र मण्डलले राख्नुहुन्छ। आजसम्म उहाँहरूको सरकारमा सहभागिता छैन,’ उनले भने, ‘त्यसभन्दा बाहेक कुनै पनि दल र कुनै पनि सांसदले अध्यादेशको प्रक्रियाबारे विमति राख्नु नौटंकी हो। किनभने हामी सबैले त्यसमा कुन न कुनै वेला भाग लिएको र सही गरेका छौँ।’
सरकारले हालै ६ वटा अध्यादेश ल्याएको थियो। ती अध्यादेश शुक्रबार संसदमा पेस हुँदै छन्।
See More On
