चालू आर्थिक वर्षको पाँच महिनामा तीन लाख २५ हजार ८०९ जना नेपाली वैदेशिक रोजगारीमा गएका छन् । त्यसमध्ये एक लाख ९० हजार ३८४ जनाले नयाँ श्रम स्वीकृति लिएको वैदेशिक रोजगार विभागको तथ्यांक छ ।
विभागका अनुसार साउनमा ५९ हजार ५७५, भदौमा ५७ हजार ४९३, असोजमा ५३ हजार ५२५, कात्तिकमा ७० हजार ९९० र मंसिरमा ८४ हजार २२६ जना वैदेशिक रोजगारीमा गएका छन् ।
यो संख्या गत आवको सोही अवधिको तुलनामा १८.६८ प्रतिशतले बढी हो । गत आवको सोही अवधिमा दुई लाख ७४ हजार ५१७ जना वैदेशिक रोजगारीमा गएका थिए ।
See More On
