रोहन मुस्तफाले नेपाल प्रिमियर लिग (एनपिएल) मा सुदूरपश्चिम रोयल्सबाट खेल्ने भएको छन्। युएईबाट अन्तर्राष्ट्रिय क्रिकेट खेल्दै आएका रोहनले नेपालमा सम्पन्न विभिन्न प्रतियोगितामा खेल्दै आएका छन् ।
युएईका पूर्वकप्तान ३६ वर्षीय रोहनले ओडिआई र टी–२० आईमा उत्कृष्ट अलराउन्ड प्रदर्शन गरेका छन्। रोयल्सले यसअघि विदेशी खेलाडीको रूपमा न्युजिल्यान्डका बलिङ अलराउन्डर स्कट कुगेलेइन, स्कटल्यान्डका अलराउन्डर ब्रान्डन मक्मलेन र इंग्लिस क्रिकेटर सेफ अली जेबलाई अनुबन्ध गरिसकेको छ ।
दीपेन्द्रसिंह ऐरी मार्की खेलाडी रहेएको सुदूरपश्चिम रोयल्सको मुख्य प्रशिक्षकमा जगत टमाटा छन् । टोलीमा दीपेन्द्रसिंह ऐरी, आरिफ शेख, अभिनाश बोहरा, विनोद भण्डारी, अर्जुन कुमाल, खडक बोहरा, इशान पाण्डे, नरेश बुढाऐर, भोजराज भट्ट, नरेन साउद, अमित श्रेष्ठ, ब्रान्डन मक्मलेन, सेफ अली जेब, स्कट कुगेलेइन र रोहन मुस्तफा छन्।
