युवाहरूलाई डेनमार्क पठाउन भन्दै विराटनगर लिएर आएका एकजना मेनपावर व्यवसायी मृत फेला परेका छन् । सुनसरीको इनरुवा नगरपालिका– ८ का २८ वर्षीय राजीव फुयाँल विराटनगर– ११ मा रहेको होटेलको कोठामा बिहीबार दिउँसो झुन्डिएको अवस्थामा मृत फेला परेका हुन् ।
व्यवसायी फुयाँलले २५ जना युवालाई भारत हुँदै डेनमार्क पठाउने भन्दै बुधबार विराटनगर लिएर आएका थिए । डेनमार्क जान आएका युवाहरू विराटनगर रानी क्षेत्रको होटेलमा बसेका थिए । व्यवसायी फुयाँल भने गुद्री बजारमा रहेको एक होटेलमा वास बसेका थिए ।
जोगबनीको बाटो हुँदै दिल्ली लैजान आउने भने पनि बिहान अबेरसम्म नआएपछि युवाहरूले फुयाँल बसेको होटेलमा आएर उनको खोजी गरेका थिए । खोजी गर्दा उनी कोठामा झुन्डिएको अवस्थामा फेला परेका थिए ।
घटनाबारे अनुसन्धान भइरहेको मोरङ प्रहरीले जनाएको छ ।
See More On
