लुम्बिनी प्रदेशका मुख्यमन्त्री चेतनारायण आचार्यले पद तथा गोपनीयताको शपथ लिएका छन् । उनलाई प्रदेश प्रमुख अमिक शेरचनले शपथ खुवाएका हुन् ।
मुख्यमन्त्री आचार्यले शपथ खाएसँग आफूसहित नाै सदस्यीय मन्त्रिपरिषद् गठन गरेका छन् । नवनियुक्त आठैजना मन्त्री विनाविभागीय हुन् । नवनियुक्त मन्त्रीहरूलाई कुनै जिम्मेवारी दिइएको छैन । आठैजना मन्त्रीले पद तथा गोपनीयताको शपथ खाएका छन् । एमालेबाट चार र कांग्रेसबाट चार सांसदले विनाविभागीयमन्त्रीका रूपमा शपथ लिएका हुन् ।
आचार्यलाई सोमबार प्रदेश प्रमुख अमिक शेरचनले मुख्यमन्त्री नियुक्त गरेका थिए । आचार्यलाई मुख्यमन्त्री बनाउन एमाले र कांग्रेसका ५६ सांसदको समर्थन छ । यहाँ ८७ सदस्यीय प्रदेश सभा छ । अर्घाखाँचीबाट निर्वाचित आचार्य यसअघिका प्रदेश सरकारमा तीनपटक मन्त्री बनेका थिए ।
यी हुन् लुम्बिनी प्रदेशका नवनियुक्त मन्त्री
१. भूमिश्वर ढकाल
२. दिनेश पन्थी
३. बादशाह कुर्मी
४. धनेन्द्र कार्की
५. सरोज थापा
६. प्रचण्डविक्रम न्यौपाने
७. खेमबहादुर सारु
८. सीता शर्मा
