काभ्रेको पाँचखाल नगरपालिकास्थित बिराजे खोल्छा जंगलमा रुखमा बाँधेर आगो लगाएर हत्या गरेको अवस्थामा शव फेला परेको छ ।
जिल्ला प्रहरी कार्यालय काभ्रेका अनुसार पाँचखाल नगरपालिका– ४ जिरोकिलोस्थित मेलम्ची जिरोकिलो सडकखण्डबाट अन्दाजी ५० मिटर तल बिराजे खोल्चा जंगलमा नाम, थर, वतन नखुलेको अन्दाजी वर्ष २५ को जस्तो देखिने पुरुषको मुख र छातीमा फलामको तारले रुखमा बाँधेर आगो लगाएको अवस्थामा शव फेला परेको हो ।
स्थानीयबाट खबर प्राप्त हुनासाथ प्रहरीको टोली घटनास्थल पुगेको थियो । अहिले घटनास्थललाई सुरक्षित राखिएको प्रहरीले जनाएको छ । शव १५–२० दिनको जस्तो सडेगलेको अवस्थामा रहेको प्रहरीको भनाइ छ । प्रहरीले घटनाबारे थप अनुसन्धान गरिरहेको छ ।
See More On
