नेपाल र क्यानडाबीचको तीन एकदिवसीय क्रिकेट शृंखलाको पहिलो म्याच त्रिवि खेलमैदान कीर्तिपुरमा भइरहेको छ ।
पहिले टस जितेर ब्याटिङ गरेको नेपालले सुखद सुरुवात गरेको छ । १२औँ ओभरको खेल सकिँदा नेपालले एक विकेट गुमाएर ६० रन बनाएको छ ।
नेपालका ओपनर आसिफ सेख आठ रन बनाएर आउट भए पनि अर्का ओपनर कुशल भुर्तेलले राम्रो सुरुवात दिलाएका छन् । नेपालले दसौँ ओभरको पहिलो बलमा ४८ रनको अवस्थामा आसिफलाई गुमाएको हो ।
कुशलले आक्रामक क्रिकेट खेलिरहेका वेला अर्को इन्डबाट सम्हालिएर इनिङ अघि बढाइरहेका आसिफ ठूलो सट हान्ने क्रममा उदय भगवानको बलमा नवनित धलिवालको हातबाट क्याच हुन पुगे । आसिफले २४ बल खेलेका थिए ।
अहिले क्रिजमा कुशलसँगै कप्तान रोहितकुमार पौडेल छन् । कुशलले ३६ बलमा चार रन बनाइसकेका छन् ।
See More On
