नाबालिका बलात्कार, अनुयायी हत्या तथा बेपत्तालगायतका विभिन्न आपराधिक गतिविधि गरेको अभियोगमा पक्राउ परेका रामबहादुर (रामलाल) बम्जन काठमाडौंबाट सर्लाही ल्याइएका छन् ।
मंगलबार साँझ काठमाडौंको बुढानीलकण्ठ नगरपालिका– ६, स्थित निवासबाट पक्राउ परेका बम्जनलाई अहिले जिल्ला अदालत सर्लाहीमा बयान लिइँदै छ ।
अदालत परिसरमा ठूलो संख्यामा सुरक्षाकर्मी परिचालन गरिएको छ । बम्जनका अनुयायीहरूको उपस्थिति र सम्भावित जोखिमलाई मूल्यांकन गरेर सुरक्षा व्यवस्था कडा पारिएको जिल्ला प्रहरी कार्यालयका डिएसपी दीपेन्द्र पञ्जियार थारूले जानकारी दिए ।
जिल्ला अदालतमा अहिले बम्जनको बयान चलिरहेको छ । जिल्ला न्यायाधीश विष्णुप्रसाद रेग्मीको एकल इजलासमा बयान चलिरहेको हो । आजै दिउँसो थुनछेक बहस हुने जिल्ला अदालत सर्लाहीले जनाएको छ ।
See More On
