प्रहरीले सप्तरीबाट स्रोत नखुलेको पाँच लाखभन्दा बढी भारतीय रुपैयाँसहित एक भारतीय नागरिकलाई पक्राउ गरेको छ।
शुक्रबार दिउँसो जिल्लाको राजगढ गाउँपालिका– २ झौरा चोकबाट स्रोत नखुलेको भारतीय रुपैयाँसहित भारत बिहार राज्यको मधुबनी जिल्लास्थित भरफोरी ग्राम पञ्चायत सुब्बा टोल– ३ का २५ वर्षीय संजयकुमार यादव पक्राउ परेका हुन्।
बिआर ५० बी १५४२ नम्बरको मोटरसाइकल चेकजाँच गर्दा पक्राउ परेका यादवको साथबाट स्रोत नखुलेको ५ लाख २९ हजार ९७० भारतीय रुपैयाँ बरामद गरिएको सप्तरी प्रहरी प्रमुख बज्राचार्यले बताए।
यादवमाथि थप अनुसन्धान भइरहेको प्रहरीले जनाएको छ।
