फिफा विश्वकप छनोटको दोस्रो चरणको पहिलो खेलमा अहिले नेपालले युएईसँग प्रतिस्पर्धा गरिरहेको छ ।
दुबईस्थित अल मक्टुम रंगशालामा जारी खेलमा अग्रता भने युएईले लिएको छ । खेलको १०औँ मिनेटमा खलिफा मुबारकले आकर्षक हेडर गोल गर्दै युएईलाई अग्रता दिलाएका हुन् ।
युएईले २४औँ मिनेटमा पनि गोलको अवसर निकालेको थियो । तर, कप्तान गोलकिपर किरण चेम्जोङले सहजै संकट टारे ।
२६औँ मिनेटमा पनि युएईले गोलको अर्को अवसर निकाले पनि पुनः किरण बाधक बने ।
नेपालले पहिलो चरणमा लाओसविरुद्ध जित निकाल्दै दोस्रो चरणमा स्थान बनाएको हो । नेपालले दोस्रो चरणको दोस्रो खेल नोभेम्बर २१ मा यमनविरुद्ध काठमाडौंमा खेल्नेछ ।
See More On
