आइतबार साँझ ८ बजेर २० मिनेटबाट सुरु भएको बलि सोमबार बिहान ४ बजेसम्म चलेको थियो
नेपालमै प्रसिद्ध रहेको जनकपुरधामको राजदेवी मन्दिरमा यस वर्ष १५ हजार दुई सय ५१ बोकाको बलि दिइएको छ । आइतबार साँझ ८ः२० मिनेटबाट सुरु भएको बलि सोमबार बिहान ४ बजेसम्म चलेको थियो ।
प्रत्येक वर्ष दसैँको महाअष्टमीको साँझ राजदेवीमा बोका बलि दिने परम्परा छ । उक्त रातलाई कालरात्रि पनि भनिने चलन छ । स्थानीय महावीर युवा कमिटी, गणेश युवा कमिटी, राम युवा कमिटीले बोका बलिको व्यवस्थापन गरेका थिए । आइतबार दिउँसोदेखि नै जनकपुरमा बलि चढाउनेको भिड लागेको थियो ।
बलि दिन युवा कमिटीहरूले संयुक्त रूपमा उल्लेख्य रूपमा स्वयंसेवक परिचालन गरेका थिए । बलिका लागि प्रतिबोका दुई सयका दरले जनकपुरधाम गुठी संस्थानले शुल्क लिएको थियो ।
See More On
