राहुल महरा पुर्पक्षका लागि कारागार चलान

विद्युतीय चुरोट (भेप) भित्र लुकाएर सुन तस्करी गरेको आरोपमा प्रहरी नियन्त्रणमा रहेका राहुल महरा पुर्पक्षका लागि कारागार चलान भएका छन् । 

जिल्ला अदालत काठमाडौंका न्यायाधीश डण्डपाणि शर्माको इजलासले थुनामा पठाउन आदेश दिएको हो । 

आज भएको थुनछेक बहसपछि तस्करीको घटनामा उनी संलग्न रहेको प्रारम्भिक निष्कर्षसहित अदालतले थुनामै राखी पुर्पक्ष गर्नुपर्ने आदेश दिएको हो । 

महरासँगै थुनामा रहेका लोकेन्द्रकुमार पौडेललाई पाँच लाख धरौटीमा रिहा गर्न आदेश भएको छ । आदेश आएसँगै उनी धरौटी बुझाएर छुटेका छन् ।

महरालगायत चारजनामाथि आपराधिक विश्वासघात, भन्सार चोरी तथा संगठित अपराधसम्बन्धी कसुरको आरोपमा जिल्ला अदालत काठमाडौंमा मुद्दा चलेको थियो ।