हिमालयन बैंक लिमिटेडले बैंकको विशेष तलबी खाता योजनामा प्रदान गर्दै आएको दुर्घटना मृत्यु बिमा सुविधाअन्तर्गत १० लाख रुपैयाँको दुर्घटना मृत्यु बिमा दाबी रकम भुक्तानी गरेको छ । बैंकका खातावाला ईश्वर गुरागाईंको दुर्घटनामा परी असामयिक निधन भएकाले निजकी पत्नी विमला गुरागाईंलाई बिमा दाबी रकम भुक्तानी दिएको हो ।
बिमा रकम बैंकको बनेपा शाखाका प्रबन्धक सूर्योदय प्रजापतिले हस्तान्तरण गरेको जनाइएको छ । बैंकले उक्त खाता योजनामा हिमालयन एभरेस्ट इन्स्योरेन्स लिमिटेडसँग खातावालाको दुर्घटना मृत्यु बिमा खरिद गरेको जनाएको छ ।
हाल बैंकले विशेष तलबी खाता र नारी बचत खाता योजनामा १० लाख रुपैयाँसम्मको दुर्घटना मृत्यु बिमा सुविधा प्रदान गर्दै आएको उल्लेख छ । त्यस्तै, अन्य बचत योजनाहरूमा पाँच लाख रुपैयाँसम्मको दुर्घटना मृत्यु बिमा सुविधा प्रदान गर्दै आएको जनाइएको छ ।
