लुम्बिनी प्रदेश सभाको जेनेरेटरमा आगाे लागेपछि प्रदेश सभा बैठक स्थगित भएको छ। सभामुख तुलाराम घर्तीले जेनेरेटरमा आगलागी भएकाले १० मिनेट बैठक स्थगित भएको जानकारी दिए।
बुधबार दिउँसो करिब १ बजेर ५० मिनेटमा जेनेरेटरमा आगलागी भएको थियो। एमालेका सांसद तुलसीप्रसाद चौधरी बोलिरहेको समयमा सभाको बत्ती गएको थियो। बत्ती जाँदा सांसदहरू अँध्यारोमै बसेका थिए।
दोस्रो अधिवेशनको १७औँ बैठकमा सत्तापक्ष र प्रतिपक्षबीच संसद् अघि बढाउने सहमति भएको थियो। मुख्यमन्त्री डिल्लीबहादुर चौधरीले सभालाई सम्बोधन गरेपछि प्रतिपक्षी दलले पनि छलफलमा भाग लिइरहेका थिए।
See More On
