श्रीलंकाका सैनिक चिकित्सकले ६२ वर्षीय अवकाशप्राप्त सैनिकको मिर्गौलामा रहेको विश्वकै सबैभन्दा ठूलो पत्थरी निकालेको श्रीलंकाको सेनाले बुधबार जनाएको छ ।
सेनाका अनुसार पूर्वसर्जेन्ट क्यानिस्टस कुन्जबाट निकालिएको पत्थरको तौल ८०१ ग्राम (२८.२५ औँस) थियो, जुन औसत पुरुष मिर्गौलाको तौलभन्दा पाँच गुणा बढी हो ।
कुञ्जको मिर्गौलाको पत्थरी १३.३७ सेन्टिमिटर (५.२६ इन्च) लामो थियो । औसत मिर्गौला १० देखि १२ सेन्टिमिटर लामो हुन्छ ।
कुञ्जले स्थानीय स्वर्णवाहिनी टिभीसँग कुरा गर्दै सन् २०२० देखि पेट दु:खेको र मुखको औषधिले सहयोग नगरेको बताए ।
उनले भने, ‘हालैको परीक्षणपछि मलाई शल्यक्रिया गर्न भनिएको थियो । म अहिले सामान्य महसुस गरिरहेको छु ।’
गिनिज बुक अफ वर्ल्ड रेकर्डका अनुसार सन् २००८ मा पाकिस्तानमा एक बिरामीको मिर्गौलाबाट ६२० ग्राम पत्थर जम्मा भएको रेकर्ड थियो ।
मिर्गौलाको पत्थरी गत १ जुनमा निकालिएको भए पनि गिनिज बुक अफ वर्ल्ड रेकर्डले मान्यता दिएपछि अधिकारीहरूले आज उक्त खोजको घोषणा गरेका हुन् ।
‘हाम्रो लागि सबैभन्दा महत्वपूर्ण कुरा पत्थरी निकालेपछि मिर्गौलाले सामान्य रूपमा काम गरिरहनु हो र यसमा हाम्रो टोली सफल भएको छ,’ सेनाका सर्जन के. सुदर्शनले भने ।
(एएफपीकाे सहयाेगमा)
