गायक तथा अभिनेता यशकुमार कमलपोखरीस्थित आलिसान लाउन्ज एन्ड क्लबमा गुन्जिने भएका छन्। बुधबार राति ब्यान्डसहित उनको लाइभ कन्सर्ट तय भएको हो।
साँझ ७ बजेबाट ‘डुअर ओपन’ हुने कन्सर्टमा यशले ब्यान्डसहित आफ्ना चर्चित नयाँ–पुराना गीतहरू गाउने तयारी रहेको आलिसानका सञ्चालक राम थापाले जानकारी दिए।
कन्सर्टमा यशले म कहिले हाँसेको थिएँ, तिम्रो मन बदलिएछ, बिरानो यो मन्दिरमा, हिजो अर्कैसँग देखेँ, म आफ्नै इनार बनाउँछु, तिमीलाई कुनै पललगायत आफ्नो चर्चित गीतहरू गाएर दर्शक झुमाउने कार्यक्रम छ।
कन्सर्टमा आलिसान ब्यान्डले प्रारम्भिक प्रस्तुति दिने तय छ। त्यसपछि मात्रै यश स्टेजमा उक्लिनेछन्।
See More On
