युएई अलआउट, इतिहास रच्न नेपाललाई ११८ रनको लक्ष्य

एसिसी प्रिमियर कप क्रिकेट प्रतियोगिताको उपाधि उचाल्न नेपालले ११८ रनको लक्ष्य पाएको छ । 

वर्षाका कारण हिजो खेल सम्पन्न हुन नसकेपछि आज रिजर्भ डेमा युएईले थप ११ रन बनाउँदा अन्तिम विकेट गुमाएपछि नेपालले ११८ रनको लक्ष्य पाएको हो । 

त्रिवि खेलमैदानमा जारी खेलमा ललित राजवंशीले युएईको अन्तिम विकेट लिए । निकै कसिलो बलिङ गरेका ललितको नाममा यो चौथो विकेट थियो । 

हिजो नेपालले टस जितेपछि ब्याटिङमा आएको यूएई ३३.१ ओभरमा ११७ रनको अवस्थामा अलआउट भयो ।