रिलायबल नेपाल लाइफ इन्स्योरेन्स कम्पनीले सडक दुर्घटना जोखिम न्यूनीकरणको उद्देश्यले जिल्ला प्रहरी परिसर ललितपुर लाई १२ थान सडक डिभाइडर सहयोग गरेको छ । कम्पनीले समय–समयमा गर्ने संस्थागत सामाजिक उत्तरदायित्वअन्तर्गत सडक डिभाइडर सहयोग गरेको हो ।
हस्तान्तरण कार्यक्रममा जिल्ला प्रहरी परिसर ललितपुरका प्रमुख सिद्घिविक्रम शाहले दुर्घटनाको जोखिम न्यूनीकरण गर्न यसले सहयोग पुग्ने बताए ।
कम्पनीका वरिष्ठ सहायक महाप्रबन्धक दीपेशबाबु तिवारीले कम्पनीले समय–समयमा गर्ने संस्थागत सामाजिक उत्तरदायित्वअन्तर्गत प्रदान गरिएको डिभाइडरले सडक दुर्घटनाको जोखिम न्यूनीकरण गर्ने विश्वास व्यक्त गरे । आउँदा दिनमा आवश्यक परेको खण्डमा सहयोगलाई निरन्तरता दिने उनवको भनाइ थियो ।
‘जीवन बिमा जरुरी छ’ भन्ने मूल नाराका साथ स्थापना भएको कम्पनीले नेपाली बिमा बजारमा ५० लाखभन्दा बढी बिमालेख जारी गरिसकेको जनाएको छ ।
