प्रधानमन्त्री पुष्पकमल दाहाल प्रचण्डलाई विश्वासको मत दिने कार्यसम्पादन समितिको निर्णयमा नेपाली कांग्रेसका दुई महामन्त्री गगनकुमार थापा र विश्वप्रकाश शर्माले लिखित असहमति जनाएका छन् ।
उनीहरूसँगै नेताहरू अर्जुननरसिंह केसी र बलबहादुर केसीले पनि लिखित असहमति जनाएका छन् । आजै बसेको पदाधिकारी बैठकमा पार्टी सभापति शेरबहादुर देउवाले प्रचण्डलाई विश्वासको मत दिने प्रस्ताव राखेपछि महामन्त्रीद्वयले असहमति जनाएका थिए ।
बैठकले सर्वसम्मत निर्णय गर्न नसकेपछि कार्यसम्पादन समितिको बैठक बसेको थियो । महामन्त्री थापा र शर्माले यस विषयमा निर्णय गर्न केन्द्रीय कार्यसमितिको बैठकबाट मात्र त्यस्तो निर्णय लिन सकिने अडान राखेपछि कार्यसम्पादन समितिको बैठक बोलाइएको थियो ।
कार्यसम्पादन समितिको निर्णय अनुमोदन गर्न अहिले संसदीय दलको बैठक बसिरहेको छ ।
See More On
