नेपाल मर्चेन्ट बैंकर्स संघमा श्रेष्ठ

शुक्रबार, २३ मंसिर, २०७९
डिजिटल संस्करण

नेपाल मर्चेन्ट बैंकर्स संघको अध्यक्षमा सन्राइज क्यापिटल लिमिटेडका विजयलाल श्रेष्ठ चयन भएका छन् । संघको १३औँ वार्षिक साधारणसभाले श्रेष्ठको अध्यक्षतामा नयाँ कार्यसमिति चयन गरेको हो । 

कार्यसमितिको उपाध्यक्षमा ग्लोबल आइएमई क्यापिटलका पारसमणि ढकाल, महासचिवमा एनआइसी एसिया क्यापिटलका रमेन्द्र रायमाझी र कोषाध्यक्षमा नबिल इन्भेस्टमेन्ट बैंकिङका मनीषनारायण जोशी निर्वाचित भएको जनाइएको छ । त्यस्तै, सदस्यहरूमा नागरिक लगानी कोषका नारायणप्रसाद घिमिरे, प्रभु क्यापिटलका दिनेश थकाली र नेपाल लाइफ क्यापिटलका नवीन बास्कोटा चयन भएको संघले जनाएको छ ।

निवर्तमान अध्यक्ष एनआइबिएल एस क्यापिटलका मेखबहादुर थापा मानार्थ सदस्य रहेको उल्लेख छ । वार्षिक साधारणसभाले पेस भएका अन्य प्रस्तावउपर छलफल गरी सर्वसम्मतिका साथ पारित गरेको जनाइएको छ । 

सुझावित समाचार