- वि.सं २o७९ असोज २९ शनिबार
लुम्बिनी प्रदेशकी निशा चौधरीले एथ्लेटिक्समा नयाँ राष्ट्रिय कीर्तिमान बनाएकी छिन् । जारी नवौं राष्ट्रिय खेलकुद अन्तर्गत चौधरीले एथ्लेटिक्सतर्फ १०० मिटर हिट चरणमा नयाँ राष्ट्रिय कीर्तिमान बनाएकी हुन् ।
शनिबार पोखरा रंगशालामा सम्पन्न प्रतियोगिताको निर्धारित दुरी उनले १२.१५ सेकेन्डमा पुरा गरेकी छिन् । यसअघि आठौं सागमा देबीमाया पनेरुको नाममा १२.१९ सेकेन्डको राष्ट्रिय कीर्तिमान रहेको थियो । कीर्तिमानको समय यसअघि आठौं सागमा इलेक्ट्रीकल हो भने हालको समय ह्याण्ड टाईम हो ।
