- वि.सं २o७९ असोज १२ बुधबार
गायक तथा सर्जक उत्तम पौडेलले पूर्वेली लोकगीत ‘खुर्कोट बजारमा’ सार्वजनिक गरेका छन्। गायक पौडेलको आफ्नै शब्द र संगीत रहेको उक्त गीतमा गायक स्वयं र चर्चित पूर्वेली गायिका सुनिता थेगिमले साथ दिएकी छिन्।
अनिल कोयू राईले निर्देशन गरेको भिडियोमा सुरजचन्द्र घिसिङ र सम्झना राईको अभिनय छ। गायक पौडेलले काठमाडौंबाट बिपी राजमार्ग हुँदै पूर्व खोटाङको दिक्तेल बजार र खुर्कोट बजार पुगिने भएकोले त्यस मार्ग यात्रा गर्ने दर्शक–स्रोतालाई लक्षित गरेर गीतको सिर्जना गरेको बताए। रामेछाप सांस्कृतिक कलाकार समाजका वरिष्ठ उपाध्यक्षसमेत रहेका उनले दर्जन बढी गीतमा स्वर दिएका छन्।
