- वि.सं २o७९ असोज ९ आइतबार
प्रदेश १ मा पाँचदलीय गठबन्धन सरकारको मुख्य न्यायाधिवक्ता परिवर्तन भएका छन्। १३ मंसिर ०७८ मा नियुक्त्त भएका प्रदेश न्यायाधिवक्ता भोजराज श्रेष्ठले ६ असोजमा पदबाट राजीनामा दिएपछि मुख्यमन्त्री राईले खोटाङका परिवर्तन राईलाई नयाँ न्यायाधिवक्ता सिफारिस गरेका हुन्।
मुख्यमन्त्री राईको सिफारिसमा आइतबार प्रदेश प्रमुख परशुराम खापुङले प्रदेश १ को मुख्य न्यायाधिवक्ता परिवर्तन राईलाई नियुक्त गरेका छन्। नवनियुक्त प्रदेश न्यायाधिवक्ता राईलाई प्रदेश प्रमुख खापुङ र मुख्यमन्त्री राईको उपस्थितिमा आइतबार उच्च अदालत विराटनगरका कामु मुख्य न्यायाधीश सत्यमोहन जोशी थारूले शपथग्रहण गराएका छन्।
