सर्वोच्च अदालत बार एसोसिएसनका कोषाध्यक्ष अधिवक्ता विनोद कार्कीले निलम्बनमा रहेका प्रधानन्यायाधीश चालेन्द्रशमशेर जबरा सर्वोच्च फर्कन नमिल्ने बताएका छन्। सर्वोच्च अदालतपरिसरमा सञ्चारकर्मीहरूसँग कुरा गर्दै अधिवक्ता कार्कीले यस्तो बताएका हुन्।
सर्वोच्चको आधिकारिक काम गर्ने अधिकार कायममुकायम प्रधानन्यायाधीश दीपककुमार कार्कीमा रहेकाले निलम्बित जबरा सर्वोच्च फर्कन नमिल्ने उनको भनाइ छ। राष्ट्रिय झन्डा र गार्ड कामु प्रधानन्यायाधीश कार्कीलाई नै दिइएको भन्दै उनले जबरा सर्वोच्च फर्कने सम्भावना नरहेको प्रस्ट पारे।
‘झन्डा र गार्ड जता हुन्छ उही आधिकारिक हो। झन्डा र गार्ड सम्माननीय कायममुकायम प्रधानन्यायाधीश दीपककुमार कार्कीमै कायम छ,’ अधिवक्ता कार्कीले भने, ‘अहिले उहाँलाई नै स्कर्टिङ गरेर ल्याइयो। त्यसकारण चोलेन्द्रको आउने सम्भावना छैन। उहाँको निलम्बन निलम्बनमै रहन्छ।’