- वि.सं २o७९ भदौ २९ बुधबार
नेकपा एमालेका सांसद महेश बस्नेतले केही जनप्रतिनिधिले साइबर क्राइमलाई आकर्षित हुने गरेर सामाजिक सञ्जाललाई दुरुपयोग गरेको आरोप लगाएका छन् ।
बुधबार प्रतिनिधिसभा बैठकको शून्य समयमा बोल्दै सांसद बस्नेतले अहिलेको राजनीतिक व्यवस्थालाई बिथोल्ने, नेता र कार्यकर्ताको बदनाम गराउने अन्तर्राष्ट्रिय तत्वहरू रहेको दाबी गरे ।
उनले सूचना प्रविधि ऐनलाई व्यवस्थित गर्दै त्यस्तो कार्य गर्नेलाई कानुनी कारबाही गर्न आग्रह गरे । सांसद बस्नेतले काठमाडौं महानगरले मापदण्ड मिचेको भन्दै भत्काएका संरचनाहरूको उचित क्षतिपूर्ति दिनुपर्ने माग राखे ।
उनले डेंगु रोग नियन्त्रण गर्न सरकारले उचित ध्यान दिनुपर्ने बताए। उनले नागरिकता विधेयक अब वर्तमान संसद्को अवधि सकिएकाले अर्को संसदमा छलफल गर्नुपर्ने बताए ।
