Skip This
Skip This
निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १२ बुधबार
  • Wednesday, 28 September, 2022
नर्भिक इन्टरनेशनल हस्पिटल । तस्बिर : norvichospital.com
नयाँ पत्रिका काठमाडौं
२०७९ श्रावण २३ सोमबार १८:५२:००
Read Time : < 1 मिनेट
समाचार डिजिटल संस्करण

नर्भिक हस्पिटललाई काठमाडौं महानगरको २४ घण्टे अल्टिमेटम

भाडामा लिएको सरकारी जग्गामा अनधिकृत रूपमा संरचना बनाएपछि महानगरकाे अल्टिमेटम

Read Time : < 1 मिनेट
नयाँ पत्रिका, काठमाडौं
२०७९ श्रावण २३ सोमबार १८:५२:००

सम्झौताविपरीतका संरचना हटाउन काठमाडौं महानगरपालिकाले नर्भिक हस्पिटललाई २४ घण्टे अल्टिमेटम दिएको छ । थापाथलीमा रहेको नर्भिक हस्पिटलले सरकारसँग भाडामा लिएको जग्गामा अनधिकृत रूपमा संरचना बनाएको भन्दै महानगरले भत्काउन अल्टिमेटम दिएको हो । महानगरका पूर्वाधार शाखा प्रमुख रामबहादुर थापाले नयाँ पत्रिकासँग भने, ‘संरचना नबनाउने सर्तमा भाडामा लिएको जग्गामा संरचना बनाएपछि तिनलाई हटाउन २४ घण्टे अल्टिमेटम दिएका हौँ ।’

काठमाडौं महानगरपालिकाको नाममा दर्ता रहेको एक रोपनी आठ आना एक पैसा क्षेत्रफल रहेको जग्गा नर्भिक हस्पिटलले वार्षिक २७ हजार रुपैयाँ भाडा तिर्ने गरी सरकारसँग सम्झौता गरेर लिएको थियो । संरचना नबनाउने सर्तमा जग्गा भाडामा लिए पनि नर्भिकले संरचना बनाएपछि हटाउन महानगरले अल्टिमेटम दिएको उनले बताए । नर्भिकले अहिले सो जग्गामा संरचना बनाई अक्सिजन सिलिन्डरहरू राखेको छ । तोकिएको समयसीमाभित्र संरचना नहटाए नियमानुसार कारबाही गर्ने महानगरले जनाएको छ ।