निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १९ बुधबार
  • Wednesday, 05 October, 2022
२०७९ श्रावण १९ बिहीबार १५:५९:००
Read Time : < 1 मिनेट
समाचार डिजिटल संस्करण

बझाङमा दुई मतदानस्थल थप र चारको स्थान परिवर्तन गर्न सिफारिस

Read Time : < 1 मिनेट
२०७९ श्रावण १९ बिहीबार १५:५९:००

आगामी संघीय तथा प्रदेश निर्वाचनका लागि बझाङमा दुई मतदानस्थल थप गर्न सिफारिस गरिएको छ। जिल्ला मतदानस्थल केन्द्र पुनरावलोकन सिफारिस समितिको बैठकले मतदानस्थल थप गर्न सिफारिस गरेको हो।

प्रमुख जिल्ला अधिकारी बाबुराम अर्यालको अध्यक्षतामा बसेको बैठकले छबिसपाथिभेरा गाउँपालिका– ५ को चन्द्रोदय माध्यमिक विद्यालय खतेडा र केदारस्युँ गाउँपालिका– ४ को शिक्षोदय माध्यमिक विद्यालय बागथलामा केन्द्र थप गर्न सिफारिस गरेको हो। मतदानस्थल थप गर्न निवेदन आएपछि सोही आधारमा थप गर्न सिफारिस गरिएको जिल्ला निर्वाचन कार्यालयले जनाएको छ। यसका लागि सिफारिस गरिएको मतदानस्थलसँगै जिल्लामा एक सय ३५ मतदानस्थल हुनेछन्।

मतदानस्थल केन्द्र पुनरावलोकन सिफारिस समितिले जिल्लाका चार मतदानस्थल मतदातालाई पायक नपर्ने ठाउँमा रहेका र मतदानस्थल भएका विद्यालयमा बाढीपहिराले क्षति पुर्‍याएपछि मतदानस्थल परिवर्तन गर्न सिफारिस गरिएको जिल्ला निर्वाचन कार्यालयले जनाएको छ।

त्यस्तै, थलारा गाउँपालिका– ६ पिखेतामा रहेको त्रिभुवन आधारभूत विद्यालयमा पहिरोले क्षति पुर्‍याएपछि वडा कार्यालयमा, थलारा– ८ को शैलेश्वरी आधारभूत विद्यालय देवस्थलीमा पनि पहिरोले क्षति पुर्‍याएपछि वडा कार्यालयमा, साइपाल गाउँपालिका– ५ धुली माध्यमिक विद्यालयमा रहेको मतदानस्थलमा नागरिकले पायक नपर्ने बताएपछि एराङपुरी डाँडामा रहेको सामुदायिक भवनमा र खप्तडछान्ना गाउँपालिका– १ जगदम्बा आधारभूत विद्यालयमा पहिरोले क्षति गरेपछि विद्यालय भवन नै अन्यत्र सारेकाले मतदानस्थल पनि विद्यालय सारेको ठाउँ बयालपाटामा सारेको बताइएको छ।