फिलिपिन्समा सात म्याग्निच्युटको शक्तिशाली भूकम्प गएको छ । भौतिक संरचनाले पुरिएर चारजनाको मृत्यु भएको छ भने ६० भन्दा धेरै घाइते भएको अन्तर्राष्ट्रिय समाचार संस्थाहरूले जनाएका छन् । 

उनीहरूका अनुसार भूकम्पको धक्का जापान, ताइवान र चीनमा समेत महसुस गरिएको थियो । उत्तरी लुजोन टापुमा केन्द्रबिन्दु बनाएर भूकम्प गएको हो । भूकम्पबाट लुजोन टापुको अब्रा प्रान्त सबैभन्दा धेरै प्रभावित भएको छ । उद्धारकर्ताहरूले भत्किएका संरचनाभित्र पुरिएकाहरूको खोजी तथा उद्धार गरिरहेका छन् ।