निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १९ बुधबार
  • Wednesday, 05 October, 2022
नयाँ पत्रिका काठमाडौं
२०७९ असार २९ बुधबार ०६:१०:००
Read Time : < 1 मिनेट
अर्थ प्रिन्ट संस्करण

इन्द्रेणी मसरुम फार्मले आइपिओ जारी गर्ने

बिक्री प्रबन्धकमा मुक्तिनाथ क्यापिटल नियुक्त

Read Time : < 1 मिनेट
नयाँ पत्रिका, काठमाडौं
२०७९ असार २९ बुधबार ०६:१०:००

इन्द्रेणी मसरुम फार्म पब्लिक लिमिटेड कम्पनीले साधारण सेयर निष्कासन गर्नका लागि धितोपत्र निष्कासन तथा बिक्री प्रबन्धकमा मुक्तिनाथ क्यापिटल लिमिटेडलाई नियुक्त गरेको छ । मुक्तिनाथ क्यापिटल लिमिटेड मुक्तिनाथ विकास बैंकको सहायक कम्पनी रहेको र नेपाल धितोपत्र बोर्डबाट स्वीकृतप्राप्त मर्चेन्ट बैंकर संस्था हो ।

निष्कासन तथा बिक्री प्रबन्धकको सम्झौतामा मसरुम फार्मका अध्यक्ष धर्मेन्द्र महर्जन र क्यापिटलका प्रमुख कार्यकारी अधिकृत कवीन्द्रध्वज जोशीले हस्ताक्षर गरेको जनाइएको छ । नेपालमा च्याउखेतीको सरुवात भएको लामो समय भए तापनि आधुनिक च्याउखेतीको विकास र विविध चरणमा च्याउ उद्योगले प्रयास गरेको भए तापनि सफल हुन नसकिएको अवस्थामा इन्द्रेणी मसरुम फार्मले नेपालमा पहिलोपटक आधुनिक प्रविधि भित्र्याई च्याउ उत्पादन गर्न सफल भएको जनाइएको छ ।

फार्मको उद्देश्यअनुसार नेपालमा गुणस्तरीय च्याउ उत्पादन गर्ने योजना बनाई उक्त कम्पनीले स्थापनादेखि द्रुत गतिमा आफ्नो क्षमता वृद्धि गर्दै आइरहेको जनाइएको छ । कम्पनीले आधुनिक च्याउ फार्म सुरु भएको केही समयमै ऐतिहासिक रूपमा नयाँ प्रविधिबाट गोब्रे च्याउ उत्पादन गर्न सुरु गरेको र हाल दैनिक रूपमा च्याउ उत्पादन गर्दै आइरहेको जनाएको छ ।